京.花朝 (已結業)

銅鑼灣超多野食，今日同男朋友就搵到黎百樂中心嘅呢間，出lift入到去左邊同右邊都有幾張檯，地方唔大，裝修幾高級，有啲似私房菜， 店員服務好殷勤有禮貌👍兩個人叫咗個雞絲粉皮，豬耳，一位份量既宋嫂魚羹，乾扁四季豆，糖醋魚片，擔擔麵同埋一個白飯🙈雞絲粉皮嘅雞絲份量幾多，醬汁偏稠，青瓜爽口， 粉皮軟硬度適中👍宋嫂魚羹幾重芫茜同埋薑味，魚好滑，木耳爽口，口感豐富😀乾扁四季豆冇乜辣味，唔會太乾身，幾香同幾惹味，送飯非常不錯😋糖醋魚片酸甜味啱啱好，魚嘅份量好多， 外層脆裏面好滑， 菠蘿仲幾甜添😯 又係送飯一流🙊呢度一班人聚會靜靜地傾計食飯都唔錯👏