影片
更多
2022-08-14
25 浏览
位於銅鑼灣繁忙地區嘅富山麵家，喺ig嘅曝光率都十分之高，今次撞正佢做緊my melody嘅主題，少女心爆棚💕舖頭嘅裝修好有日本風情，好似置身咗喺日本咁。最貼心就係將所有餐具、紙巾、牙籤等嘅用具都放晒喺用餐位置嘅上方，一伸手就可以攞到，十分方便！黑醬油拉麵黑醬油一直都係我最愛嘅拉麵湯底之一，因為我係濃味愛好者🤭呢個黑醬油驚喜嘅地方係佢唔算油，但入口依然好香，拉麵條仲要索哂啲湯嘅精華，好食！叉燒係輕輕灸燒過嘅，所以有好香嘅油脂味，連埋面頭嘅蔥粒食就剛剛恰到好處！黃金蟹膏牛奶沾麵首先要讚嘅係隻溏心蛋，好靚好夠流心🫶我會話食呢個係要同時間鬥快，要喺個牛奶湯變凍之前快啲浸啲麵去食，如果唔係就相對哋吸收唔到太多精華，熱辣辣食會係最好🫶串燒雞軟骨+肉質滿滿餃子食拉麵必配嘅小食！雞軟骨脆卜卜，用嚟送酒一流！餃子如其名，入面勁多肉汁好juicy！而且因為都幾大嚿肉，所以都好飽肚，大家覺得個麵唔夠飽就可以叫多個餃子☺️👍凍鮮泡蜂蜜綠茶好QQ嘅士多啤梨container！蜂蜜綠茶好清新，唔算好甜，食完濃味嘅拉麵飲佢解渴一流！
位於銅鑼灣繁忙地區嘅富山麵家，喺ig嘅曝光率都十分之高，今次撞正佢做緊my melody嘅主題，少女心爆棚💕
舖頭嘅裝修好有日本風情，好似置身咗喺日本咁。最貼心就係將所有餐具、紙巾、牙籤等嘅用具都放晒喺用餐位置嘅上方，一伸手就可以攞到，十分方便！
黑醬油拉麵
黑醬油一直都係我最愛嘅拉麵湯底之一，因為我係濃味愛好者🤭呢個黑醬油驚喜嘅地方係佢唔算油，但入口依然好香，拉麵條仲要索哂啲湯嘅精華，好食！叉燒係輕輕灸燒過嘅，所以有好香嘅油脂味，連埋面頭嘅蔥粒食就剛剛恰到好處！
黃金蟹膏牛奶沾麵首先要讚嘅係隻溏心蛋，好靚好夠流心🫶我會話食呢個係要同時間鬥快，要喺個牛奶湯變凍之前快啲浸啲麵去食，如果唔係就相對哋吸收唔到太多精華，熱辣辣食會係最好🫶
串燒雞軟骨+肉質滿滿餃子
食拉麵必配嘅小食！雞軟骨脆卜卜，用嚟送酒一流！餃子如其名，入面勁多肉汁好juicy！而且因為都幾大嚿肉，所以都好飽肚，大家覺得個麵唔夠飽就可以叫多個餃子☺️👍
凍鮮泡蜂蜜綠茶
好QQ嘅士多啤梨container！蜂蜜綠茶好清新，唔算好甜，食完濃味嘅拉麵飲佢解渴一流！
张贴
