影片
更多
2021-06-02
152 浏览
今晚諗緊食乜嘢，見到cafe paradise好似係間新開業嘅餐廳，好啦就入去食個靚西餐啦。入面嘅空間都幾大。微暗嘅燈光，加埋霓虹燈裝飾，兩個人撐枱腳幾有格調～仲有啲聖經金句播住詩歌，個人都特別peaceful. 就算連啲間板都用埋彩色。老公話：彩色先至paradise吖嘛！餐廳D Staff都好好人，好有耐性同細心。 (餐牌選擇都好多)餐牌有好多選擇而且好欣賞：真係平有平食，想食grand啲又有Main set dinner可以揀。好快畀呢個 stone grill 吸引咗唔係呀嘛78蚊200 gram，加埋30蚊，都係$108，就可以有齊忌廉雜菌蘑菇湯、凱撒沙律、是日甜品同埋餐飲，仲可以選配薯菜、意粉或者飯。真係唔使諗即刻嗌番個試下！Ｍenu上面仲有好多其他選擇，嘢飲甜品嗰啲都可以用升級價錢加。可惜心太軟今日賣曬冇得試。餐湯蘑菇味都幾重。忌廉湯味濃、稠身，唔會水汪汪，又唔會覺得好重麵粉咁，唔錯。 凱撒沙律本來嫌佢太多醬，食下食下，又幾開胃。而且用嘅係沙律菜，個心形碟亦令成件事upgrade咗。餐飲叫咗熱咖啡有驚喜咖啡似係機沖，好香濃咖啡味。而且送嘅奶有打過泡，更加creamy。
入面嘅空間都幾大。微暗嘅燈光，加埋霓虹燈裝飾，兩個人撐枱腳幾有格調～仲有啲聖經金句播住詩歌，個人都特別peaceful. 就算連啲間板都用埋彩色。老公話：彩色先至paradise吖嘛！
餐廳D Staff都好好人，好有耐性同細心。 (餐牌選擇都好多)
餐牌有好多選擇而且好欣賞：真係平有平食，想食grand啲又有Main set dinner可以揀。好快畀呢個 stone grill 吸引咗
唔係呀嘛78蚊200 gram，加埋30蚊，都係$108，就可以有齊忌廉雜菌蘑菇湯、凱撒沙律、是日甜品同埋餐飲，仲可以選配薯菜、意粉或者飯。真係唔使諗即刻嗌番個試下！Ｍenu上面仲有好多其他選擇，嘢飲甜品嗰啲都可以用升級價錢加。可惜心太軟今日賣曬冇得試。
餐湯蘑菇味都幾重。忌廉湯味濃、稠身，唔會水汪汪，又唔會覺得好重麵粉咁，唔錯。
凱撒沙律本來嫌佢太多醬，食下食下，又幾開胃。而且用嘅係沙律菜，個心形碟亦令成件事upgrade咗。
餐飲叫咗熱咖啡有驚喜咖啡似係機沖，好香濃咖啡味。而且送嘅奶有打過泡，更加creamy。
4 浏览
0 赞好
0 留言
熱石牛扒嚟啦！呢個價錢完全冇得輸。熱石令塊牛扒滋滋聲，不斷迸發香味；切開啲牛仲係生嘅，可以按自己鍾意嘅生熟程度，繼續喺熱石上面grill熟佢。牛雖然有筋，但做到好軟淋嘅感覺嘅口感。 一啖食落口，牛味同油香爆發，加埋附上嘅燒汁、茄汁、蒜汁薯角得做都好好：香脆、熱辣辣，係調過味嘅原隻薯仔，超抵食。
3 浏览
0 赞好
0 留言
另一個叫咗main dinner set嘅燒豬手，當係二人世界慶祝下。呢度嘅擺盤真係一流配菜有燒南瓜、紅椒、紫薯、翠玉瓜。雖然好飽，但都好畀面咁清曬佢。豬手有兩大舊，份量比想像中多，不停喪食肉哈哈。德國豬手嘅肉好滑嫩，唔會過鹹，味道剛好。層皮加咗七味粉調味，本身以為會勁咸。食落覺得個味又幾夾~ 豬手皮都脆卜卜，不過耐咗就會淋身啲，但整體色香味都好唔錯。
我哋追加咗水牛城雞翼，哈哈又係肉。味道酸酸甜甜唔太辣，感覺幾啱香港人口味。
3 浏览
0 赞好
0 留言
最後呢個是日甜品 真係要讚下本身對啫喱冇咩太大期望，但係你睇下！用個雪糕杯同甜筒匙，再加忌廉同果醬，一個勁頹廢嘅啫喱突然間 變得好elegant、好colorful、好夢幻！真係非常有誠意。
賣單一啲都唔貴，好似食咗餐自助餐咁，會再encore呀！！
张贴
