等等HEA

营业中

休息中

同朋友黎到九龍城呢邊做野，見到呢間咁特別既台灣特色食品既放題，加上我地又咁餓，決定試一試。店員好有禮貌，向我地慢慢推薦有咩好食。叫左條古早味烤魚，有少少酸菜，好好食又開胃，肉質好鮮。另外想讚下佢既等等三杯雞，食得出係即叫即整，非常香口又夠熱，而且佢既調味都好好，同台灣食到既一樣。仲有佢既等等柯仔煎蛋，食完好似真係去左台灣一轉咁，真係好有質素。最後佢既台式芋圓真係完美既結尾，同台灣食既一樣咁好食。最後我地都同店員大讚呢到既食物，店員仲同我地講9月15號之後仲會推出大閘蟹放題，要book住真係早d。