Solé (已結業)

見唔少人大讚呢度既lunch set，但平時比較少機會下晝入黎，今晚黎到發現全日都有得叫呢個menu，咁抵食當然要試試。椰菜花薯仔忌廉湯完全符合我心目中既期望，滾燙既溫度、幼滑既口感，薯仔味好濃，大大碗基本上飲完已經飽左一半。炭燒牛側腹扒 ($186)牛側腹扒雖然唔係好厚，但好重牛味，準確做到五成熟，輕鬆切得開好軟腍。  尤其鐘意幼薯氣好香脆，外脆內軟，食到薯香。法式燴牛肉蘑菇飯 ($98)驚喜發現有滿滿既牛肉牛筋，啖啖骨膠原，湯汁濃厚得黎唔會膩，係熬足成日既高湯味道。檸檬撻伴碟放滿新鮮生果好有誠意，檸檬撻酸酸甜甜，曲奇皮夠香脆。 本來略嫌餡料酸左少少，食到尾先發現配焦糖粒粒岩岩好，係我怪錯左佢。