鐵板燒雪舟

营业中

休息中

今日出左糧，發現有bonus，仲唔係我洗錢既日子，哈，所以我就拉左我朋友仔去食好西啦。今次既好西，係好似令你去左日本既鐵板燒啊。餐廳提供唔少set，我就選擇左服務員狂推薦既澳洲和牛胸內膜食下啦。話明係套餐，當然唔會得主菜咁少嘢食啦，仲有沙律，餐湯，茶碗蒸，刺身，主菜，甜品。餐湯係羅宋湯，充滿蕃茄既味道，可惜油左少少啊。南瓜沙律非常好食，南瓜好甜，質感又好軟綿，小朋友一定重要。茶碗蒸蛋，蒸蛋淋左醬汁後，醬油色令蒸蛋更吸引。蒸蛋超滑溜，入面仲有菇，囗好濃香嫁。刺身有三文魚同金目鯛，金目鯛係魚肉爽囗既魚，魚味鮮甜，味道唔錯。三文魚則係肉質軟滑既刺身，囗感同金目鯛唔同，最估唔到係面紅白魚蛋啊，好有新年感覺。澳洲和牛胸內膜，血色好深紅的牛胸阿，果然係內膜既部份，特別深特別紅。廚師煎成七成熟，入囗既牛味超濃，肉質好腍，而且又有肉汁，點埋啲醬汁直頭冇得頂，好好食嫁喎，鐘意食牛既朋友一定要食啦。