5% Cafe

营业中

休息中

今日去開旺角買啲野，就想搵間cafe坐下休息下吹下水。上openrice就book左呢間5%, 佢係好多cafe嘅登打士街，上到去好快有位女侍應招呼我哋，佢好有禮貌，安排完我哋量體溫之後就俾我哋揀任何嘅位置去坐低。佢個卡位都好闊落又乾淨，坐落好舒服。我哋睇左下餐牌就揀左兩個set，分別係5%黑椒手打牛肉芝士漢堡同瑞士汁雞扒司華力腸意粉，飲品就包一杯40蚊或以下嘅，我哋要左一杯熱Mocha同一杯凍芒果百香果綠茶。飲品就首先上枱，估唔到熱飲都可以咁大杯！Mocha飲落甜甜地，愈飲愈香。而杯綠茶都唔會太甜，亦都有芒果味，幾refreshing。野食呢都好快上枱，個漢堡都好大個下，個牛肉入面仲有洋蔥，食落好juicy，配合埋啲生菜同蕃茄食就一流！個配菜薯條都好熱辣辣，炸得好香好脆。另外個意粉都好大份，尤其係塊雞扒，大過手掌嘅size，炸完又好多汁又香脆，配埋個瑞士汁就真係一流！而個意粉都煮得啱啱好，唔會over左。咁樣食下坐下吹下水都好舒服，佢仲有唔同嘅棋類提供俾大家可以玩。最後埋單唔駛三百蚊仲有得找，環境又好，服務又好，野食又正，有機會都可以嚟試下！