老厝邊 (已結業)

最近唔可以搭飛機去旅行，唯有喺香港用自己嘅胃去旅行，估唔到香港都有古早味嘅台灣餐廳。餐廳嘅滷肉飯好正宗，半肥半瘦，肥肉入口即化，而炸排骨便當好大份，仲有好多唔同嘅配菜，排骨大大件，炸到非常香脆。餐廳仲有好多唔同嘅炸物同滷水，當然要叫台灣嘅特色炸甜不辣，外脆內軟，口感有少少似年糕，而炸魷魚鬚加左九層塔，係地道嘅台灣口味。而飲品我就叫左青蛙下蛋同蜂蜜鐵觀音，都係去台灣旅行必定會飲嘅，估唔到香港都有禁古早味嘅台灣菜。