成都老碼頭火鍋 (已結業)

今晚喺旺角搵火鍋，搵下搵下去到呢間成都老碼頭火鍋。外面望入去好有氣派，絕對係花唔少心機喺裝橫。入到去有店員帶我地上二樓，呢到入面都好大，而且裝修好靚！上到去就安排咗坐低，然後悉心教我地可以微信落單。呢到既玩法係先叫湯底，再叫野食，我地叫咗個豬骨湯底（鑑於上星期食完辣，今晚想食清啲）。然後就叫咗雪花肥牛，羊肉，牛舌，牛柳粒。我地等上菜時就出去「混醬」。呢到既醬料吧有佢地自家製香油，而且仲有水果。話咁快野食同湯底都上哂，啲牛粒非常惹味，絕對要試下！提提大家，微信落單會送一罐飲品，Like佢地Facebook page會再送一罐嫁。