影片
更多
2020-12-17
244 浏览
呢排個個都去Staycation ，唔通個個都得閒去Staycation 咩？有時想放假，不過唔係真係咁得閒，最起碼都要食返餐好啲嘅慰勞自己，今次就同朋友去食呢個泰國流水蝦，就當去咗旅行，開心返晚都好！餐聽環境都算舒服，間隔都闊落，一坐低就坐正喺長長嘅流水蝦道旁邊，望住咁生猛嘅流水蝦，隻隻都好大隻，游得好快，我就知今晚有食神啦！除咗令人食指大動嘅流水蝦，呢間放題餐廳都有唔同款嘅食物選擇，有好多嘅燒烤肉類、蔬菜、或者船河粉麵、海鮮、小食同甜品等，樣樣食物都好吸引咁，真係唔知點選擇。作為食肉獸，就梗係第一件事要試吓肉類同海鮮！梗係咩都要夾啲燒。不過我最推薦嘅就係比較少食到嘅花螺同蠔，平時一般燒烤都會燒啲蜆呀、元貝之類，因為比較方便。而花螺好多時都係大排檔先有，但估唔到原來線嘅方法味道都唔錯，螺肉唔會好硬，反而係爽爽地，至於蠔就唔使多講啦，每隻都好大，接近有手掌嘅size，而且好鮮味，燒完都仲好多水份，滿滿嘅蠔汁夠清甜。流水蝦隻隻都好活潑，夾起要小心，記得一定要放入冰桶雪暈佢先好燒。蝦肉好爽口，有好多膏，食到差啲要吮埋手指，哈！鍾意食牛嘅必試呢個牛柳粒，肉味香濃，而且好Juicy，但係唔會太
餐聽環境都算舒服，間隔都闊落，一坐低就坐正喺長長嘅流水蝦道旁邊，望住咁生猛嘅流水蝦，隻隻都好大隻，游得好快，我就知今晚有食神啦！
除咗令人食指大動嘅流水蝦，呢間放題餐廳都有唔同款嘅食物選擇，有好多嘅燒烤肉類、蔬菜、或者船河粉麵、海鮮、小食同甜品等，樣樣食物都好吸引咁，真係唔知點選擇。
作為食肉獸，就梗係第一件事要試吓肉類同海鮮！梗係咩都要夾啲燒。
不過我最推薦嘅就係比較少食到嘅花螺同蠔，平時一般燒烤都會燒啲蜆呀、元貝之類，因為比較方便。
而花螺好多時都係大排檔先有，但估唔到原來線嘅方法味道都唔錯，螺肉唔會好硬，反而係爽爽地，至於蠔就唔使多講啦，每隻都好大，接近有手掌嘅size，而且好鮮味，燒完都仲好多水份，滿滿嘅蠔汁夠清甜。
流水蝦隻隻都好活潑，夾起要小心，記得一定要放入冰桶雪暈佢先好燒。蝦肉好爽口，有好多膏，食到差啲要吮埋手指，哈！
鍾意食牛嘅必試呢個牛柳粒，肉味香濃，而且好Juicy，但係唔會太肥，女仔食多幾粒都唔怕。
豬頸肉就比較肥美，但食落好香蒜香味，啖啖肉食得好滿足！
如果食肉覺得飽嘅話，都可以試吓燒玉子同燒菠蘿，不失為另一個清爽嘅選擇。
飲品方面，除咗一般嘅紙包飲品或者汽水之外，呢度都有提供泰國入口嘅果汁同埋梳打水，味道都唔錯，尤其係菠蘿汁同芒果汁，有粒粒嘅果肉！
整體來講性價比都算幾高，食物新鮮，仲有新鮮嘅流水蝦，同平時食嘅放題好唔同，感覺好特別！
张贴
