影片
更多
2022-09-23
948 浏览
🚩長阪燒估唔到朗豪坊行前少少就有依間隱世日本菜🤤餐廳設計好有日本嘅風味，有好多日式嘅燈籠掛住喺度～座位方面可以揀吧枱或者卡位，全部都坐得好舒服㗎～餐廳會將當日新鮮嘅食材擺晒出嚟，咁客人就可以按照當日新鮮食材嚟揀自己想食嘅嘢🥰〰️〰️〰️〰️〰️〰️〰️〰️〰️〰️〰️〰️〰️〰️〰️🌈燒鱈魚乾 $38夠乾夠脆口，咬落淡淡魚香滲出來，送酒一流🌈漬物盛合 $38四合一嘅拼盤，包括有淮山&蘿蔔&蒜頭&蕎頭！蒜頭一開始以為咬落去會好大浸蒜頭味，但原來一啲都冇，好神奇🥹其他漬物對我來講都幾新奇，但全部都幾好食🌈煙肉廣島蠔 $58燒嘅時候都相信無再落額外嘅鹽，煙肉就係鹹味嘅來源～廣島蠔燒得半生熟，落埋好香蠔味🌈牛舌 $38牛舌唔算好軟好易咬個款，如果鍾意食有多少少口感嘅牛舌，呢款就啱晒你🌈八爪魚 $38第一次食咁樣燒嘅八爪魚，咬落爽口彈牙，加上少少辣椒粉嘅味道，都幾惹味🌈豚肉秋葵 $38豚肉好薄身所以燒得夠晒乾脆，油脂亦都滲到落秋葵度，好讚！🌈煙肉車厘茄 $28煙肉本身燒得微焦，不過車厘茄咬落超多汁，所以一啲都唔會乾🌈鮟鱇魚肝壽司 $48第一次食魚肝壽司，原來一啲都唔腥，食落有少少似吞拿魚嘅味道🌈柚子真鯛 $48鯛魚面頭磨左啲
估唔到朗豪坊行前少少就有依間隱世日本菜🤤餐廳設計好有日本嘅風味，有好多日式嘅燈籠掛住喺度
～座位方面可以揀吧枱或者卡位，全部都坐得好舒服㗎
～餐廳會將當日新鮮嘅食材擺晒出嚟，咁客人就可以按照當日新鮮食材嚟揀自己想食嘅嘢🥰
〰️〰️〰️〰️〰️〰️〰️〰️〰️〰️〰️〰️〰️〰️〰️
🌈燒鱈魚乾 $38
夠乾夠脆口，咬落淡淡魚香滲出來，送酒一流
🌈漬物盛合 $38
四合一嘅拼盤，包括有淮山&蘿蔔&蒜頭&蕎頭！蒜頭一開始以為咬落去會好大浸蒜頭味，但原來一啲都冇，好神奇🥹其他漬物對我來講都幾新奇，但全部都幾好食
🌈煙肉廣島蠔 $58
燒嘅時候都相信無再落額外嘅鹽，煙肉就係鹹味嘅來源～廣島蠔燒得半生熟，落埋好香蠔味
🌈牛舌 $38
牛舌唔算好軟好易咬個款，如果鍾意食有多少少口感嘅牛舌，呢款就啱晒你
🌈八爪魚 $38
第一次食咁樣燒嘅八爪魚，咬落爽口彈牙，加上少少辣椒粉嘅味道，都幾惹味
🌈豚肉秋葵 $38
豚肉好薄身所以燒得夠晒乾脆，油脂亦都滲到落秋葵度，好讚！
🌈煙肉車厘茄 $28
煙肉本身燒得微焦，不過車厘茄咬落超多汁，所以一啲都唔會乾
🌈鮟鱇魚肝壽司 $48
第一次食魚肝壽司，原來一啲都唔腥，食落有少少似吞拿魚嘅味道
🌈柚子真鯛 $48
鯛魚面頭磨左啲柚子皮，更添香氣🤤鯛魚咬落軟糯，唔使點豉油都夠曬味
🌈海膽海鮮杯 $48
海鮮杯唔好睇佢細細杯裏面乜嘢都有！海膽有兩層，好鮮甜！仲有吞拿魚蓉，三文魚籽，牡丹蝦同蟹肉～魚籽鹹味適中，整體層次感都好豐富
🌈千葉縣包菜三點盛 $98
包括有三文魚籽配蟹肉，海膽配左口魚邊，飛驒和牛~我最鍾意緊係左口魚邊，輕微火灸過，更加帶出魚油嘅香味
🌈黃花魚一夜干 $158
屋企食嘅黃花魚細細條，估唔到依度都幾大條～魚皮表面燒得香脆，魚鰭嗰啲位全部都食到！落啲檸檬汁為魚肉增香，如果覺得唔夠味仲可以點埋佢哋嘅秘製醬油
张贴
