夏娃 (已結業)

今次幫襯呢一間位於北角同砲台山之間嘅餐廳，呢間餐廳以德國美食為主打，我地兩個人Share咗一碟招牌德國豬手(其實份量好足好大份，2-3個人食都無問題)，另外就叫咗兩款德國啤酒，感覺好似去咗德國旅行。招牌德國豬手嘅皮好脆，而肉質一D都唔「鞋」，點芥辣真係好好食，以$168呢個價錢黎講真係好抵食。其實本來諗住飲Bitburger，因為當年去德國成日都見到，想懷念一下當年有得飛嘅感覺，不過Waiter話唔夠凍，叫我試下呢隻Dunkel黑麥啤，麥味都幾香，加上夠晒冰凍，都真係幾好飲。另一杯就叫了呢隻德國手工啤Tap 5，味道有D飲IPA，同埋佢帶少少果香味，都幾好飲。