影片
更多
2021-06-27
41 浏览
同女朋友都好鍾意食蟹所以黎左呢間喺銅鑼灣經過咗好多次都未食過嘅蟹慶試試 我哋叫咗一個蟹慶會宴二人前 有好多唔同種類嘅蟹料理 啱曬我哋呢啲有選擇困難症嘅人另外今次係第一次試Sake 機 餐廳做緊特價只需要198蚊就可以任飲90分鐘 好處就一定係可以一次過試到好多唔同嘅酒 我嗰日都應該試咗六七款 最鍾意嘅係01號 小山本家東京盛 雖然係純米吟釀 但採用山田錦 入口香 唔會太甜配蟹一流！如果鍾意精米度高啲 有越後櫻05 入口相比起細緻少少 同個名一樣醉樂無極！好 講返今日嘅戲肉 - 蟹。蟹肉蒸蛋 蒸蛋時間岩岩好 滑到入口即溶既感覺 我哋仲用咗蒸毛蟹嘅蟹膏配呢個蒸蛋食 味道一流蒸毛蟹 蟹殼裝住一大盤蟹膏 超鮮甜十分邪惡 毛蟹新鮮 蟹肉實淨彈牙鮮甜 啖啖肉燒蟹腳有松葉蟹同鱈場蟹揀 我就鍾意食松葉蟹 因為蟹肉會再鮮甜啲 而鱈場蟹就因為本身粗身啲 所以啖啖肉 各有各好味之處 至於蟹甲羅味噌燒就令我諗返起係日本食磯丸水產嗰陣嘅味道 濃濃嘅蟹味 配埋會跟上嘅蝦片仔 好味道最後以蟹肉三文魚籽釜飯同甜品oreo牛奶布丁作結 釜飯分量適中 配搭新鮮蟹肉同鮮甜三文魚籽 可以細嘗當中鮮味 而布丁唔會過甜 加埋or
另外今次係第一次試Sake 機 餐廳做緊特價只需要198蚊就可以任飲90分鐘 好處就一定係可以一次過試到好多唔同嘅酒 我嗰日都應該試咗六七款 最鍾意嘅係01號 小山本家東京盛 雖然係純米吟釀 但採用山田錦 入口香 唔會太甜配蟹一流！如果鍾意精米度高啲 有越後櫻05 入口相比起細緻少少 同個名一樣醉樂無極！
好 講返今日嘅戲肉 - 蟹。
蟹肉蒸蛋 蒸蛋時間岩岩好 滑到入口即溶既感覺 我哋仲用咗蒸毛蟹嘅蟹膏配呢個蒸蛋食 味道一流
蒸毛蟹 蟹殼裝住一大盤蟹膏 超鮮甜十分邪惡 毛蟹新鮮 蟹肉實淨彈牙鮮甜 啖啖肉
燒蟹腳有松葉蟹同鱈場蟹揀 我就鍾意食松葉蟹 因為蟹肉會再鮮甜啲 而鱈場蟹就因為本身粗身啲 所以啖啖肉 各有各好味之處
至於蟹甲羅味噌燒就令我諗返起係日本食磯丸水產嗰陣嘅味道 濃濃嘅蟹味 配埋會跟上嘅蝦片仔 好味道
最後以蟹肉三文魚籽釜飯同甜品oreo牛奶布丁作結 釜飯分量適中 配搭新鮮蟹肉同鮮甜三文魚籽 可以細嘗當中鮮味 而布丁唔會過甜 加埋oreo脆脆 好好味
张贴
