影片
更多
2021-08-13
175 浏览
間唔中就會想食烤肉，喺香港好多唔同嘅選擇，前排經過附近嘅日式超市見到三郎，bookmark咗好一陣子就訂咗位過嚟食。餐廳嘅裝修精緻，個感覺同之前喺渋谷烤肉店有啲相似。仲見佢有榻榻米房，感覺上係私隱度高。和牛來源地係視乎每日來貨而定，呢個好有Omakase感覺😂席間問起店員，原來吧枱位會提供代燒服務🧐下次想做懶人可以試下◻️燒野菜▪️日本南瓜：最鍾意烤到半熟爽口▪️粟米：搽咗牛油，勁邪惡◻️特選和牛盛合 (五款)貪心仔想試晒幾款肉🙃肉盤上有標籤付款肉嘅部位，加埋枱上邊嘅牛分割圖就更清楚自己食緊咩😌以自己認知由瘦食到肥🤭靚嘅牛肉用少少鹽吊味就足夠了▪️里脊：有咬口重牛味▪️牛霖：淋滑之餘油香勁重▪️內側後腿肉：入口Juicy多汁又有嚼口▪️牛肋肉：油脂味同肉味均勻，自己最鐘意呢件▪️三角腹肉：盛盒入邊最重油脂，入口就感受到超濃牛油香。◻️「鳥亭」- 三郎市場豚/雞 海鮮料理▪️先付：北海道粟米、水雲同醃茄子，生粟米爽甜加埋帶酸嘅水雲同茄子係醒胃嘅前菜▪️阿波尾雞腿、中翼：微微燒焦嘅雞皮加咬入係一浸雞油香味😋雞肉嫩滑香口▪️鹿兒島黑豚里脊肉、黑豚肋肉：唔算厚身，肥瘦均勻，肉質爽口▪️海鮮拼盤：是日海鮮有魷魚、牡丹蝦同翡
餐廳嘅裝修精緻，個感覺同之前喺渋谷烤肉店有啲相似。仲見佢有榻榻米房，感覺上係私隱度高。和牛來源地係視乎每日來貨而定，呢個好有Omakase感覺😂席間問起店員，原來吧枱位會提供代燒服務🧐下次想做懶人可以試下
◻️燒野菜
▪️日本南瓜：最鍾意烤到半熟爽口
▪️粟米：搽咗牛油，勁邪惡
◻️特選和牛盛合 (五款)
貪心仔想試晒幾款肉🙃肉盤上有標籤付款肉嘅部位，加埋枱上邊嘅牛分割圖就更清楚自己食緊咩😌以自己認知由瘦食到肥🤭靚嘅牛肉用少少鹽吊味就足夠了
▪️里脊：有咬口重牛味
▪️牛霖：淋滑之餘油香勁重
▪️內側後腿肉：入口Juicy多汁又有嚼口
▪️牛肋肉：油脂味同肉味均勻，自己最鐘意呢件
▪️三角腹肉：盛盒入邊最重油脂，入口就感受到超濃牛油香。
◻️「鳥亭」- 三郎市場豚/雞 海鮮料理
▪️先付：北海道粟米、水雲同醃茄子，生粟米爽甜加埋帶酸嘅水雲同茄子係醒胃嘅前菜
▪️阿波尾雞腿、中翼：微微燒焦嘅雞皮加咬入係一浸雞油香味😋雞肉嫩滑香口
▪️鹿兒島黑豚里脊肉、黑豚肋肉：唔算厚身，肥瘦均勻，肉質爽口
▪️海鮮拼盤：是日海鮮有魷魚、牡丹蝦同翡翠螺。燒過嘅海鮮鮮甜彈牙帶咸香味，蝦仲要大大隻又爽口彈牙🤤
店員都間唔中過嚟幫吓手，好細心咁樣幫我地分開咗隻蝦。然之後有我哋燒晒所有肉類，佢就上沙律比我哋，仲解釋返呢個時候先上沙律係想中和返頭先肉類嘅油膩感。
▪️蟹肉沙律：微酸嘅醬汁做到解膩嘅作用
▪️大蜆味增湯：大蜆鮮甜，湯底係香濃嘅味增帶海鮮嘅鮮甜。
▪️素麵：麵煮得啱啱好，如果呢個係冷麵會更好
▪️蕨餅：抹茶同黃豆粉口味，口感煙韌甜而不膩
總結：呢餐絕對可以解到掛住日本之愁
张贴
