天 · 悠蔬食 (已結業)

他們的尖沙咀店和銅鑼灣店我都久不久光顧一下，知道在荃灣開了新店，今日嚟開荃灣區，就趁機嚟試下，到了門口的第一眼，感覺好似入咗幼稚園，或者兒童診所咁，感覺好奇怪，環境來講，我幾鍾意呢度自然夠多，食物水準都跟另外兩間差不多。呢度嘅中湯好好飲，飲得出沒有味精，所以差不多次次都飲中湯，今次是 ‘印度椰子花生雪耳湯’，果然這裏的中湯永冇失敗，主菜叫咗 ‘牛油果蕃茄未來牛肉墨西哥卷餅，配紅菜頭蘋果藜麥沙律及香脆薯角’ （超級長的名😄）,其實已經係description ，第一次嘗試這裏的卷餅，好好味，熱辣辣，外皮仲非常之鬆脆，今次唯一不足是炸薯角炸過火了，所以只食了幾舊，其他都好好味。飲品叫咗檸檬蜂蜜生薑茶，得。