影片
更多
2009-06-18
23 浏览
之前食過兩次金滿庭, 今次就轉過地方, 試下這裡出名的小籠包和担担面.這裡常常都坐滿人, 但勝在流動性大, 所以都好快有位. 但一入去就覺得這店子好小, 好迫, 但枱又放好多, 所以坐得密密麻麻, 唔係好舒服, 又好嘈.四個人點了:小籠包: 浪得虛名. 送來後我地已即時食, 但係都唔熱, 只是暖. 但小籠包第一好食要訣是要夠熱嘛! 而且這裡用的醋都唔夠味精 失望! 失望! 目前為止都係金滿庭的最好食.四川担担面: 個湯同面又係唔夠熱. 湯雖濃, 但唔辣. 點菜時, 侍應問需唔需要剪面, 我地話好, 費事難夾, 但面送來時卻發覺面太斷, 冇左拉面的口感, 又偏淋.清炒津白: ok, 冇奶油津白咁漏, 但味又唔怕淡. 宮保雞丁: 這個菜夠晒辣, 但又辣得來好食. 阿妹話好辣, 受唔到; 爹地雖然食得到, 但都話如果唔係有冷氣, 都會食到噴煙. 雞丁唔鞋, 好嫩, 腰果好脆, 炸的火侯好, 唔好炸到燶晒色. 酸甜魚塊: 這個好夠味, 酸味十足, 好醒胃, 魚塊唔錯, 最起碼包塊的炸粉唔厚, 配料有菠蘿粒, 椰果粒, 洋蔥粒, 但酸甜汁校得好, 但媽咪爹地就話嫌好酸.鱔鰗炒拉面: 這碟面似早上
這裡常常都坐滿人, 但勝在流動性大, 所以都好快有位. 但一入去就覺得這店子好小, 好迫, 但枱又放好多, 所以坐得密密麻麻, 唔係好舒服, 又好嘈.
四個人點了:
小籠包: 浪得虛名. 送來後我地已即時食, 但係都唔熱, 只是暖. 但小籠包第一好食要訣是要夠熱嘛! 而且這裡用的醋都唔夠味精 失望! 失望! 目前為止都係金滿庭的最好食.
四川担担面: 個湯同面又係唔夠熱. 湯雖濃, 但唔辣. 點菜時, 侍應問需唔需要剪面, 我地話好, 費事難夾, 但面送來時卻發覺面太斷, 冇左拉面的口感, 又偏淋.
清炒津白: ok, 冇奶油津白咁漏, 但味又唔怕淡.
宮保雞丁: 這個菜夠晒辣, 但又辣得來好食. 阿妹話好辣, 受唔到; 爹地雖然食得到, 但都話如果唔係有冷氣, 都會食到噴煙. 雞丁唔鞋, 好嫩, 腰果好脆, 炸的火侯好, 唔好炸到燶晒色.
酸甜魚塊: 這個好夠味, 酸味十足, 好醒胃, 魚塊唔錯, 最起碼包塊的炸粉唔厚, 配料有菠蘿粒, 椰果粒, 洋蔥粒, 但酸甜汁校得好, 但媽咪爹地就話嫌好酸.
鱔鰗炒拉面: 這碟面似早上粥店食的炒面. 個人較喜歡用食炒拉面多過粗炒, 因為我食粗面難消化. 鱔鰗銀芽都唔少. 都唔錯, 但食多了都容易滯.
煎鮮肉鍋貼: 普通.
雖然這裡的價錢比金滿庭平, (同王家沙的價位相似), 但無論食物環境和員工服務的質素, 都被比下去, 所以都唔會再去了.
Total spend: $340 (for four people)
张贴