九龍餐室

营业中

休息中

今早要去尖沙咀一帶做嘢，見未食早餐就去搵間茶記去醫吓肚，見到間”九龍餐室”就入去試吓。初初睇以為電影”九龍冰室”上午差唔多10點，餐廳內都有好多人幫襯。餐廳內環境整潔乾淨。早餐有8款可以選擇，都係大路嘢。1. 早餐D，招牌沙嗲牛麵配火腿奄列、出爐迷你餐包連凍飲品($42)。沙嗲牛麵落order 後一分鐘唔夠就上枱，湯底本身無味，好彩有沙嗲牛汁搭救，而個麵過了2分鐘左右就淋晒(只係影幾張相)牛肉就不過不失。火腿奄列就一般，無特別，好彩多士喺厚身同脆。凍檸茶茶底有茶香味，但檸檬得薄薄3片，令到檸檬味唔夠。整體來講，食物水準不過不失，無乜特別。