misocool (已結業)

呢日阿Ａ請阿Ｍ晚飯，咁就揀選喱間黎試下喇，好在早到少少，如果唔係會有排等，都係新屎坑先多人試啫，食左之後覺得一般啫。可以淨係叫拉麵，加$15就會有兩個前菜加一杯飲品。１。北海道牛奶海鮮壘魚麵：湯底都唔錯，海鮮就係離不開蝦，帶子，青口咁。２。天婦羅蝦拉麵：好唔新鮮既蝦，炸到好粉。３。（另叫）一口元貝：哩個味道不錯，配唔知咩醬汁，幾特別既味道。４。南瓜沙律：可能我食唔慣，爽口得黎，好似食緊chips咁，麻麻地。５。麵豉湯：唔太salty，OK。６。燉蛋：可能太肚餓既關係覺得幾好食，加上難以抗拒冬菇既香味。