NUTTEA (葵涌廣場) (已結業)

朋友介紹咗呢間堅果奶茶好多次，今日黎到葵廣掃街，正好可以一試。 伯爵朱古力堅果奶蓋茶（$48）見到呢杯每日限定發售100杯，必定要試一試。飲品同圖片一模一樣，厚厚既一層奶蓋，表面鋪滿可可粉，睇落就已經好濃郁好好飲。 果然，飲落同樣冇令人失望，奶蓋濃稠、濃郁、濃厚，朱古力味亦相當濃郁，伯爵茶味清雅，配搭得幾好。芒芒堅果奶蓋茶（$45）呢杯係夏季限定，成杯嘢飲感覺都好夏天好Fresh，奶蓋上面鋪咗芒果果肉，茶底入面同樣充滿芒果果肉，真材實料。呢杯冇朱古力個杯咁濃味，更能突出奶蓋嘅堅果香氣，感受到淡淡既夏威夷果、腰果、杏仁等既果仁味道，清新又清心。