珍煮丹 (已結業)

今晚同我妹妹去銅鑼灣食晚飯，食完之後身為奶茶控嘅佢就話去附近一間好出名嘅台式飲品店幫襯，好彩今晚唔算好多人排隊，所以好快就買到店內嘅裝修好簡潔，有幾位職員幫手招呼客人店內放咗一啲茶葉做裝飾牆上掛左一幅寫住黑糖道嘅字畫，應該店舖嘅代表作就係黑糖飲品飲品選擇都算多，本身好想試Oreo珍珠奶茶，但可惜店員話當日已經賣晒，唯有下次再試落單時可以俾大家揀飲品嘅甜度同埋要幾多冰，自由度好大最後我哋買咗一杯黑糖珍珠厚鮮奶，厚鮮奶嘅口感好creamy ，而且有淡淡嘅奶蓋味道，配上黑糖珍珠嘅甜度，味道剛剛好，珍珠亦都煮得軟硬度適中，飲完唔會覺得頂住個胃另外一杯我哋就買咗蓋世朱古力，因為店員同我地講朱古力本身會非常甜，所以建議我哋揀微糖，我哋最後已經揀咗半糖，但發覺味道稍為淡，如果甜度多番少少就會最好，但上面嘅奶蓋都好味，如果朱古力味更突出就會最好整體來講飲品嘅質素都幾好，而且唔使排好耐隊，以銅鑼灣鬧市來講係好方便，鍾意飲台式飲品嘅奶茶控都可以黎試吓