老鍋台式火鍋 (京都廣場) (已結業)

呢排打邊爐我都偏好特色湯底，好友上星期就帶我去老鍋台式火鍋，極力推薦女生必點膠原蛋白美人鍋!自助醬料區有比較少見既蒜泥汁，仲有我最愛既沙茶醬，咸香味十足~膠原蛋白美人鍋HK$228勁足料，滋補又豐富~湯底有原隻烏雞、桃膠、杞子、南棗等，夠哂滋陰養顏，啖啖甘甜唔油膩~原隻烏雞嫩滑鮮美，絕對係女士們進補既首選!桃膠煙韌爽滑，仲有鮮甜冬菇、粟米等。美國梅花豬肉 HK$98油脂分布均勻，口感軟嫩。墨魚丸HK$48口感爽脆，入口彈性。千張豆葉紙HK$48有淡淡豆香，口感獨特，入口Q軟嫩滑，很不錯!王子麵HK$38麵條爽口彈牙唔油膩，掛湯力佳。唐生菜HK$48鮮嫩爽脆，菜味濃。杞子杭菊露 HK$28有明目養肝功效既杭菊露甜度適中。冬瓜茶HK$22清涼退火既冬瓜茶岩哂打邊爐飲~鹽酥一口豆腐HK$48好邪惡既小食，炸得外酥內軟，豆腐滑嫩，豆香撲鼻。