影片
更多
2024-04-15
31 浏览
《昼月 - 銅鑼灣》唔講人哋以為我發咗達🤣今次又去食Omakase😎不過今次去嘅呢一間環境同埋格局就相對冇咁侷促，佢個廚房係開放式，感覺似居酒屋多啲，當晚嘅人流好多，原來係因為餐廳有個任飲清酒放題😏女士只需$99就可以飲清酒個半鐘😎男士就貴少少，好似都係百零蚊左右，不過佢嘅清酒就絕對唔係普通嘢，有好多都係獲獎過嘅日本清酒嚟㗎，自問酒量好嘅一次過試晒佢包你回本🤓今次我就嚟呢度試食佢個新嘅廚師發辦套餐，人均$688 就可以食到20款菜式，當中包括前菜、熱食、手握壽司、串燒、湯同埋甜品，樣樣其實都好有特色，銅鑼灣嚟講呢一個價錢絕對係抵到爛👍🏻💁🏻♀️前菜三味坐低冇耐，店員就會奉上一碟擺盤好靚嘅前菜俾我哋，分別係西京漬麵豉蛋黃、紅酒蕃茄同埋鮟鱇魚肝，按照注次序由淡味開始食，紅酒蕃茄明顯食到有酒嘅清香味，同樣都食到蕃茄嘅清香，接住落嚟就係粉嫩嘅鮟鱇魚肝，好似食緊豆腐咁咁滑溜，而最尾一定要講我好鍾意嘅西京漬麵豉蛋黃，佢嘅質地實實地，食到好濃郁嘅蛋香，如果而家有白飯，我諗我可以食到兩碗💁🏻♀️茶碗蒸打開呢一碗茶碗蒸嘅時候俾佢嚇親，因為佢黑鼆鼆都好深色㗎，但係食落其實係好香嘅墨魚汁味，入面嘅配料都係用
唔講人哋以為我發咗達🤣今次又去食Omakase😎不過今次去嘅呢一間環境同埋格局就相對冇咁侷促，佢個廚房係開放式，感覺似居酒屋多啲，當晚嘅人流好多，原來係因為餐廳有個任飲清酒放題😏女士只需$99就可以飲清酒個半鐘😎男士就貴少少，好似都係百零蚊左右，不過佢嘅清酒就絕對唔係普通嘢，有好多都係獲獎過嘅日本清酒嚟㗎，自問酒量好嘅一次過試晒佢包你回本🤓今次我就嚟呢度試食佢個新嘅廚師發辦套餐，人均$688 就可以食到20款菜式，當中包括前菜、熱食、手握壽司、串燒、湯同埋甜品，樣樣其實都好有特色，銅鑼灣嚟講呢一個價錢絕對係抵到爛👍🏻
💁🏻♀️前菜三味
坐低冇耐，店員就會奉上一碟擺盤好靚嘅前菜俾我哋，分別係西京漬麵豉蛋黃、紅酒蕃茄同埋鮟鱇魚肝，按照注次序由淡味開始食，紅酒蕃茄明顯食到有酒嘅清香味，同樣都食到蕃茄嘅清香，接住落嚟就係粉嫩嘅鮟鱇魚肝，好似食緊豆腐咁咁滑溜，而最尾一定要講我好鍾意嘅西京漬麵豉蛋黃，佢嘅質地實實地，食到好濃郁嘅蛋香，如果而家有白飯，我諗我可以食到兩碗💁🏻♀️茶碗蒸
打開呢一碗茶碗蒸嘅時候俾佢嚇親，因為佢黑鼆鼆都好深色㗎，但係食落其實係好香嘅墨魚汁味，入面嘅配料都係用咗高湯同埋日本雞蛋製作，蛋香味濃郁，仲隱約食到菇菌嘅香氣👍🏻好好食，又好特別💁🏻♀️刺身五點
接住落嚟就到刺身環節，第一樣上嚟嘅係岩手縣仙氣町生蠔，體型都幾大隻，海水味重，上面放咗辣蘿蔔、柚子啫喱同埋食用花，可以一啖過將所有配料食晒，味道有層次感而且生蠔肥美多肉，食完口腔有好香濃嘅蠔味迴盪着
跟住就係擺盤好靚嘅刺身三味，分別有鰤魚、熟成間八魚同活赤貝，鰤魚包住左紫菜形成咗一個卷，一啖一件幾和味，活赤貝口感爽脆彈牙，而熟成間八魚就食落肥美有油香，三樣刺身都各有特色
最後就到煙燻鰹魚，一打開個蓋啲煙湧出嚟，經過煙燻嘅鰹魚食落變得濃味，不過我個人就覺得佢個味道好唔熟悉，有點太濃
💁🏻♀️壽司七貫🐟赤舌平目
第一件食嘅壽司係左口魚嘅朋友，我一向都好鍾意食好似左口魚咁咁有油香嘅魚，味道少少辣辣地，幾開胃🐟金目鯛
呢一件金木鯛上枱嘅時候真係好似閃閃發光咁，壽司上面放咗炸魚鱗，入口會食到脆脆嘅魚鱗，然後香軟的魚肉，肉身比較清甜🐟深海池魚
深海池魚都係比較重油分嘅魚，食落肥美有油香，質地嫩滑🐟釜山灣白蝦
呢一個產地嘅白蝦第一次食，有一種特別嘅膠質，入口有點黏黏地，整體感覺好甜同埋好軟糯，鍾意食甜蝦嘅朋友會幾鍾意呢一個白蝦嘅味道同質感🐟北海道赤牡丹蝦
食完白蝦又食赤牡丹蝦，同頭先嘅體型相比，佢就真係叫大隻啦，口感脆身少少，蝦嘅味道會較為重啲，可能因為佢上面放咗用蝦頭蝦膏製作嘅醬汁，整體口味濃郁，同頭先個白蝦嘅味道有一個好大嘅對比🐟吞拿魚面珠墩
聽講吞拿魚面珠墩係稀有部位，今日咁都俾我哋食到真係好好彩🥰比起平時嘅吞拿魚腩肉味更濃郁而且有口感，上面嘅炸蔥蒜有助提升吞拿魚肉嘅濃厚感👍🏻🐟大拖羅紫蘇葉鹽漬
跟住就係我超鍾意嘅大拖羅，用脆脆嘅紫菜包住勁重油份嘅大拖羅魚肉，一啖放晒入口勁滿足，食到陣陣嘅紫蘇葉味道，好食🥰🐟北海道馬糞海膽
壽司環節嘅尾聲梗係要用海膽作結尾，甘甜嘅海膽一啖啪晒落口☺️隱約食到少少醬油嘅味道，但係普遍都係海膽嘅鮮味蓋過晒😎紫菜好脆十分加分💁🏻♀️雞皮蝦紫蘇葉及味噌湯
食完壽司，當然要食少少熱嘢清一清味蕾☺️估唔到最尾都有驚喜，呢一個雞皮蝦紫蘇葉個外皮燒到好香脆，入面嘅蝦滑帶住小小嘅紫蘇葉香氣，一咬落去嘅時候勁好食，不過好熱，要小心啲唔好一啖放晒落口啊💁🏻♀️忌廉沙冰奶凍
甜品係一個好靚擺盤嘅刨冰，下面係奶凍，上面係忌廉沙冰🍧可以分開食試吓佢個忌廉嘅味道先，然後再食下面嘅牛奶奶凍，然後再一次過將所有材料放晒入口，好清新嘅感覺，啱晒食到飽飽既我清一清口腔，食完好滿足
张贴
