Dodam Chicken (1亞太中心) (已結業)

為咗慶祝開返晚市堂食，好雀躍地安排飯局，發覺原來人互相交流同溝通係咁緊要。回想下好耐冇食韓式炸雞，今日去到觀塘APM商場附近嘅dodam chicken。餐廳都幾大，卡位有一排落地玻璃嘅窗望住海匯裕民坊。電視機播住不同女團男團K-Pop。午市仲有粉絲Kimchi任攞。雞有炸同烤嘅選擇，味道揀咗蜂蜜牛油香蒜，燒烤同埋黃金鹹蛋黃。每款都係半分總共一隻半雞，好豐富。黃金鹹蛋黃好脆口，雞肉亦不太鹹，夠juicy。食雞有手套同細筒裝雞骨。蜂蜜牛油香蒜烤雞食到冇停口，每半分大約有六件雞。牛肉炒粉絲相對重味少少，粉絲好似透明嘅有河粉好煙靭。