燉 (已結業)

女友一向都好鍾意飲湯，而近期考試放早，當然要陪女友。我地揾左一陣就到，第一睇覺得環境簡單舒服，唔錯！仲有位置可以叉電，放便毒男的我。我地今次點左一個花膠螺片燉雞，一個蒸魚肚滑雞飯，再加一隻茶葉蛋。湯一開始時比較淡口，原來佢係等我地可以自己落鹽調味，安排幾好，個湯落左少少鹽後，鮮味更出。至於魚肚滑雞飯都幾足料，配上少少豉油，好味道，而且我成點先食，特別肚餓，所以更好味。最後茶葉蛋則比較弱，味唔夠濃，明顯煮的時間唔夠長，連上色都唔係好夠。不過整體都幾好，值得再試😬