Camellia (已結業)

一路都好想食呢間，因為睇相環境好似好靚，好適合打卡，少女心都返晒黎。所以趁星期六日就去左食。先小人後君子，講左啲劣評位先。首先，啲main course係食唔飽人。因為兩位小女子去食係要叫三個course先夠。除左我地之外，仲有一枱都係食唔飽。點解我會知？因為有位女侍應一路行入去打單，一路大大聲話”嘜依家啲人咁大食，嗌完又再嗌”。我及同行友人兩個都聽到眼突。點解可以咁冇禮貌咁唔尊重人，人地嚟你間餐廳食，叫多一兩個餐應該係開心有錢賺而唔係背後話個客囉。同場加映，問另一位女侍應個pizza幾大，佢走去問第二個侍應之後覆返我地29吋，我地聽到吓左一聲，29？正常咁既價錢唔係9或12左右嫁咩？佢再問一次”你啱啱係話29定49”。OMG，佢有冇sense嫁。答佢個侍應都忍唔住問佢係咪玩嘢。味道就當然係一般，係個環境一定吸引到大家去，所以一次就算了。