正宗水上人蒸氣鍋專門店 (已結業)

昨晚一行五人來吃飯，serve我哋個肥女侍應（短曲髮，有點口音）態度超級惡劣，趕頭趕命不停催我哋夾走D海鮮，話唔係得我哋一張枱要serve, 好似嫌我哋阻住佢咁。我見其他枱D侍應都唔係咁冇禮貌的。你哋收咁嘅價錢，服務仲惡劣過茶餐廳。問佢D醬係乜醬又話唔知，又唔去問吓，反而問番我哋吃完後係乜醬。大佬，我唔需要你超級專業，但係都唔好懶到咁。食物方面大概叫了龍蝦，鮑魚，蟹，蜆，元貝和牛肉。蟹和元貝和蜆是ok的，但龍蝦D肉係有D霉霉哋，不是爽的，感覺不新鮮。鮑魚就係個女侍應趕頭趕命，我同另一個女仔都覺得好似未熟，但係見個女侍應黑口黑面，所以算數了，以免佢在其他食物上整古我哋。本來昨晚係同外國番嚟嘅朋友慶祝生日，但係畀呢個女侍應搞到非常掃興。貼錢買難受，以後都唔會再嚟！