焱手工涮涮鍋 (已結業)

你要知道「三個女人一個墟」，現在加埋我就不堪設想，要搵一個寬躺舒適、環境優美、坐得耐、食物質數高餐廳幾傷腦筋。最後搵別「焱手工涮涮鍋」是不二之選。餐廳早鳥及消夜時段都有85折，非常抵食。小店有散叫，但最後我都們都叫set 🤗,佢地安排我們坐卡位，望住出面落地玻璃個view,好正。一落order 就上前菜二碟,分別是雜菜沙律及撈雞沙律，麻醬雜菜同小辣雞絲加速口水分泌，令我食慾大增。調味料架有不同醬料任均選擇。我們選擇了雪山飛龍鍋（蛋白球配龍躉魚湯）：經理話千祈唔好郁個蛋白漿，等佢凝固就會變成鬆軟嘅蛋糕質感，滿心期待另一邊選擇東方美人鍋（竹絲雞配桃膠）：講真真係未食過呢個配搭，又有益又健康。 我問經理點解中間會空左? 原來中間加清酒洋蔥煮蜆螺。有小小時間仲着🔥呀！隻隻都係鮮味個蛋白球終於凝固，食出來有魚湯味嘅蛋糕，好特別呀！圖上是手切封門樓，原來好珍貴，一隻牛得兩塊，肉味較濃,有咬口，彈下彈下，圖下是頂級安格斯牛頸脊，比較淋身，入口即溶，同様不錯。除此之外仲有海鮮拼盤，龍躉片、尤魚片、脆鯇片、海蝦、大蟶子。因為海鮮嘅關係，我們先食海鮮，後食其他配菜以確保佢新鮮。聖子真係好肥美，龍躉片好爽甜