Dazzling Cafe (The ONE) (已結業)

台灣火紅的dazzling cafe 進駐尖沙咀，今次黎到the one 分店，未入到黎已經見到佢既門面裝修係幾咁有特色，幾咁少女的感覺，好多粉紅色呀，同埋店員的服務態度都好好，好快就安排到我地入座。同埋佢地d 制服都好靚，女僕裝，可以見到呢間餐廳每個細節位同樣咁注重！跟住坐低左order 左飲品，chocolate 好味！夠甜仲有餅乾附上，我個friend 就order 左水果特飲，同樣鮮味十足，同果汁飲品配合得天衣無縫！之後點少得食物，窩夫呢個好靚，有d 珍珠喺面，窩夫又夠熱又夠脆，超好食，珍珠又夠彈牙又夠咬口！黑松露薯條都係推介之一！好有黑松露的味道，薯條又炸得剛剛好！必食推介！！！！