小店 (已結業)

11Nov2007 1815病緊都要飲咖啡頂住，冇計。頭盤及小食為鵝肝及炸魚塊拼盤，鵝肝不是上乘的，煎得已經不錯，配合蘋果醬可以減少一點肥膩；炸魚除了主角外，還有春卷及薯塊，一般冇乜特別。主菜共點了3道，分別為香草焗乳鴿配香草意大利飯、parma ham燴意粉及芝士煙肉洋蔥焗豬扒釀鮮磨菇伴蘋果沙律。乳鴿焗得幾香及入味，意大利飯我覺得可以再硬一點；意粉原汁原味夠煙韌，不需整色整水，夠曬 keep it simple and stupid；這道豬扒菜式是這店的招牌菜，豬扒嫩滑及濃味，配合沙律一齊又係另一種味道，挺特別的有兩種食法。最後甜品就係3磅生日蛋糕，7人盡最後努力都食剩少少，不論如何，祝壽星女生日快樂。