Ann MaMa Thai Restaurant

营业中

休息中

同一個超愛食泰國菜嘅舊同事be like：對我哋嚟講，食泰國菜除咗係味覺享受，仲有種唔同嘅情懷！喺旺角女人街地鋪嘅呢間泰國餐廳，環境真係有feel！綠色門框配木紋色調，帶點泰國風又夾雜vintage感，簡直係我杯茶（尤其我最愛綠色！）。呢個vibe完全係驅使我同舊同事嚟呢度食飯catch up嘅理由！嗰日岩岩係熱到爆嘅天氣，入到嚟未諗好食乜，已經急不及待叫飲品先！推介佢哋嘅綠茶青檸梳打，靚到爆又解渴！可以揀少冰，酸度啱啱好，仲有陣淡淡嘅奶茶香（但無奶！），啱晒我呢排唔飲奶嘅狀態，聞到個味已經好開心仔！我同舊同事share咗粟米蝦沙律同泰式手打蝦餅。蝦餅真係彈牙到不得了，炸得唔油膩，絕對係當晚小食嘅天花板！另外點咗火山蟹肉飯，黃咖喱帶點椰香，juicy到一個點，食落真係滿足！呢啲美食真係令我哋catch up氣氛更加high！望住後面嗰張超IGable嘅大枱，心諗幾時可以同我哋嘅老公一齊嚟，坐低再食多啲，high到我飄喇！呢間餐廳真係值得再encore！