後生仔海南雞1998 (已結業)

女人街兩旁嘅食肆變化都幾大，不斷都有舊店離場新店進駐，無限 loop，近街頭更加係另一個黃店集中地，每次去都有大把選擇，今次決定試新嘢。後生仔海南雞1998，顧名思義，就係後生仔主理嘅食肆，經常都好旺場，肉眼所見，食客大部份都係後生仔，除咗支持同路人外，價錢實惠我諗都係另一個主要原因。嚟得幫襯，其實應該要試個個都讚嘅海南雞，不過唔知點解，當晚忽然冇叫雞嘅心情，於是叫咗泰式濕炒河，另加炸餃子同泰式蒜蓉炒芥蘭。論味道，全部都正常水準，份量亦夠，尤其係碟菜，炒得幾香，而且食極都仲有😂；河粉就餸多過粉，多菜少肉，如果鍾意食菇，紅蘿蔔同菜嘅會好開心；炸餃子朕皮略嫌硬咗少少，不過點埋泰式甜辣醬食，其實都好滋味。一路食，一路對住牆上面幅咁靚嘅畫，心情都好啲😌。