六丸(居食屋)日本料理 (已結業)

去女人街搵日本野食，呢間都算係數一數二，就係♥六丸居食屋日本料理♥啦！適逢臨近父親節，都見到好多一家人黎食飯（因為見到都係媽媽比錢，哈哈）！餐牌咩都有咁制，有定食、拉麵、烏冬、鍋。。。樣樣齊！豬軟骨、燒鯖魚定食呢個定食配埋小食、溫泉蛋、味噌湯、白飯，望落都好豐富。豬軟骨幾入味，而且骨真係軟，唔硬易入口，配飯好正。鯖魚都好大條，配埋檸檬汁同埋鯖魚醬油，酸酸地又咸咸地，都真係幾開胃。條魚燒得好好，魚皮係脆的，應該係即叫即燒，魚肉滑身，食落口仲有陣陣既魚油係到，條魚都幾高分。隻溫泉蛋我選擇左用黎撈飯，再加啲豉油，感覺個飯即刻升左lv。小食係螺肉，味噌湯都不過不失！醬皇燒帝皇蟹棒壽司睇個名同個圖好似好勁咁，但真係只供參考呀！平平無其得個樣，同普通蟹棒沒什大分別，有點失望！蝦甜壽司、帆立貝壽司、海膽軍艦三款壽司都好好食，一啲都唔腥，好甜！甜蝦都算係肥身，有啲咬口，唔錯。帆立貝鮮味都幾好，咬落去都好有肉。海膽軍艦依然都係最好食最唔捨得食！味道鮮甜得黎又有海膽既腥！三文魚刺生食日本野點少得三文魚！？晚市有個優惠，只要食滿$120，就可以以$40既價錢食三文魚，原價都唔平架，$40仲要有10塊，平均都