意蠔屋 (已結業)

前兩日又諗唔到食咩, 結果去左女人街撞食神, 睇下邊間我未食過就入去個文章主題寫「女人街唔伏之選」雖然好似踩低成條街, 但女人街讓人中伏的餐廳實在太多, 好彩入果間意蠔屋一D都唔伏。大概1230到, 當時餐廳還未算多人, 餐廳面積不算大, 要預食完就要走果隻, 打開menu 睇選擇都幾多, 如果budget 唔多大時大節黎呢到食港式西餐都唔錯。gam 我叫左個黑椒汁牛仔骨大蝦螺絲粉($46),套餐配湯及餐飲。個螺絲粉黎到, 牛仔骨都算多, 要預左有落鬆肉粉係入面ga la, 但都煎得幾香, 雖然蝦唔算十分新鮮, 但又未至於十分「梅」果D,個湯就細細碗, 係罐頭湯黎, 但都算不過不失, 因為我對呢個價錢黎講係女人街黎計係無要求, 只要唔難食就OK,總好過要比7、80蚊係食裝修、粉又細細兜果D餐廳。