Cocina 3 Tapas Restaurant & Bar (已結業)

近日同朋友行奧海城，3期嗰邊都有好多開左無耐嘅餐廳，見到呢間幾有格調嘅西班牙餐廳，就入去試下。我地2人唔太肚餓，一人叫一個主菜share食。西班牙焗乳豬飯🥘($328) - 個人好鍾意食乳豬🐷呢味又有乳豬又配埋西班牙飯底，啱哂我！乳豬皮焗得脆身，入面肉質夠淋，乳豬肥美皮下脂肪較多，d豬油流落個飯度多一份香味。飯底類似西班牙炒飯，個蕃茄味偏濃，入面有少少海鮮同辣肉腸，都幾惹味。烤法國春雞🍗($228) - 呢隻春雞成隻大雞咁大🤣 雞皮用香草醃過幾香，雞肉啱啱熟，即使係雞胸都唔會太鞋，點埋個醬汁食唔錯。配菜方面有幾款烤蔬菜同黑松露薯容，薯蓉好creamy好幼滑，高質嘅配菜。