影片
更多
2024-01-13
19 浏览
📍鮨樂 𝗦𝘂𝘀𝗵𝗶 𝗥𝗮𝗸𝘂 (大角咀) 之前試過尖沙咀分店，對鮨樂嘅印象唔錯，高質素之餘，價錢都算親民💛。最近發現佢喺奧海城開咗新分店，仲有期間限定優惠！😍▪️️岩蠔 (北海道) ($58)一入到嚟就食咗生蠔先~ 🦪生蠔size好似手掌咁大，肉質飽滿鮮嫩，味道鮮甜，帶有淡淡鹹鮮海水味。‼️重點係佢完全唔腥，連朋友平時唔敢食蠔都覺得ok~ ▪️本鮪 (赤身) 刺身 ($70/2切)▪️本鮪 (中拖羅) 刺身 ($96/2切)▪️本鮪 (大拖羅) 刺身 ($110/2切️)三個部位嘅本鮪刺身色澤都好靚💖，第一啖食咗赤身先，脂肪比例較少，更能品嚐出原本嘅鮮味，口感會較扎實~ 而中拖羅脂肪比例恰好，非常甘香。🤤最後就食最肥美嘅大拖羅，油香滿滿，入口即溶！▪️本鮪 (吞拿魚) 壽司盛合 ($238) *(優惠$119)赤身、中拖羅、大拖羅壽司同刺身一樣咁出色，🍣而炙燒大拖羅壽司嘅油份被逼晒出嚟，更滲透落底下啲壽司飯到，味道超香！另外仲有蔥拖羅蓉卷物，口感細嫩~ ▪️️吞拿魚拖羅丼 ($208) *(優惠$104)丼飯佈滿吞拿魚腩蓉同拖羅，🥰吞拿魚腩蓉口感綿密，拖羅入口即化，底下嘅丼飯精選日本秋田縣小町米，有著獨特
之前試過尖沙咀分店，對鮨樂嘅印象唔錯，高質素之餘，價錢都算親民💛。最近發現佢喺奧海城開咗新分店，仲有期間限定優惠！😍
▪️️岩蠔 (北海道) ($58)
一入到嚟就食咗生蠔先~ 🦪生蠔size好似手掌咁大，肉質飽滿鮮嫩，味道鮮甜，帶有淡淡鹹鮮海水味。‼️重點係佢完全唔腥，連朋友平時唔敢食蠔都覺得ok~
▪️本鮪 (赤身) 刺身 ($70/2切)
▪️本鮪 (中拖羅) 刺身 ($96/2切)
▪️本鮪 (大拖羅) 刺身 ($110/2切️)
三個部位嘅本鮪刺身色澤都好靚💖，第一啖食咗赤身先，脂肪比例較少，更能品嚐出原本嘅鮮味，口感會較扎實~ 而中拖羅脂肪比例恰好，非常甘香。🤤最後就食最肥美嘅大拖羅，油香滿滿，入口即溶！
▪️本鮪 (吞拿魚) 壽司盛合 ($238) *(優惠$119)
赤身、中拖羅、大拖羅壽司同刺身一樣咁出色，🍣而炙燒大拖羅壽司嘅油份被逼晒出嚟，更滲透落底下啲壽司飯到，味道超香！另外仲有蔥拖羅蓉卷物，口感細嫩~
▪️️吞拿魚拖羅丼 ($208) *(優惠$104)
丼飯佈滿吞拿魚腩蓉同拖羅，🥰吞拿魚腩蓉口感綿密，拖羅入口即化，底下嘅丼飯精選日本秋田縣小町米，有著獨特香氣~ 整個丼飯2個人share剛剛好！
▪️️汁燒原隻北寄貝 ($128) *(優惠$64)
原隻北寄貝會預先被切成小段，然後再加上海帶、昆布醬油及牛油一齊喺小炭爐到即席燒製。❤️北寄貝好鮮美，爽彈而多汁！
▪️️蟹味噌甲羅燒 ($88) *(優惠$44)
🦀蟹膏蟹肉調味得剛剛好，唔會過鹹，味道仲好香好濃郁，夾埋薄脆嘅小魚乾薄片一齊食，味道超夾，係一個唔錯嘅佐酒小食！🍻
▪️️時令刺身盛合 ($588)
時令刺身盛合有齊多款時令魚刺身，如三文魚、牡丹蝦、象拔蚌、拖羅、池魚等，😙超豐富，賣相亦好精緻吸引。每款刺身都好新鮮，色澤亮麗，當中我最愛象拔蚌，味道鮮甜彈牙，而牡丹蝦都好大隻，口感爽彈。
▪️️時令寒鰤薄切 (洋風) ($148) *(優惠$74)
第一次試寒鰤魚，而且洋風食法感覺好特別🌟！薄片寒鰤魚會包住青蔥同洋蔥絲，再加入青檸汁、醬油、黑胡椒等調味，入口好清新！
▪️️鹿兒島西冷和牛巨切壽司 ($138) *(優惠$69)
鹿兒島和牛好大塊🤩，差唔多有20cm長🥩，經炙燒後油香好重，加上牛味香濃，肉質細嫩柔軟，超邪惡！
▪️️椰子雪糕 ($48)
▪️️原個迷你菠蘿雪芭 ($68)
兩款甜品造型可愛，我自己較偏好椰子雪糕🥥，椰香味重，口感幼滑，食晒成個都唔會感覺好膩~ 🍍而菠蘿雪芭賣相吸睛，菠蘿味好突出，味道清甜微酸。
▪️️原味乳酸梳打 ($38)
▪️巨峰提子梳打 ($38)
除提供熱茶外，仲有我最愛嘅乳酸梳打💗~ 兩杯味道清新，唔會過甜，正好一解油膩感~
张贴
