影片
更多
2022-05-12
320 浏览
繼續我哋嘅大角嘴揾食之旅，咁啱今日落大雨，便簡簡單單去奧海城既《敏華》醫肚。也不是首次來訪，《敏華》俾我之前既感覺係商場茶餐廳，啲豬扒吾錯，價錢定位中上，食材服務略比外出既《大家樂》好。餐牌選擇比想像中少，午餐set 好左每天一模一樣，《黯然銷魂飯》（叉燒蛋飯）在餐牌描述較多，但我始終未食過。今日我揀左佢哋人氣推介 《咖喱豬扒飯》。等左十幾分鐘，扒飯熱上，咖喱屬馬來咖喱汁，椰味重帶微辣，易入口。豬扒手掌大，厚過大家樂焗豬，煎得相當香口，午市杯奶茶冲得一般，同奧海二期《羅麥記》既奶茶比較，《羅》既茶膽有股甘味，我較buy 既。咁成個package 又係六十幾蚊，你話《羅》既《焗豬》定 《敏》既《咖喱豬》好食啲呢？份量上，《敏華》無論碟頭size 定係塊豬扒既件頭上都係大啲既。但係質素上，《羅》既《焗豬》有塗蛋漿焗，飯有炒飯底，亦有蕃茄菠蘿伴飯，我就覺得比咖喱豬 （見上圖） 豐富好味。餐廳舒適度上，枱距而言，《羅》目測亦較闊落舒適。不過，始終《焗豬》《咖喱豬》並非蘋果與蘋果之比，見兩家餐廳也人氣滿滿，理應各自有忠心粉絲。總結： 叫左幾次，《敏華》既各類豬扒飯水準相當穩定。下次會試埋招牌《銷
也不是首次來訪，《敏華》俾我之前既感覺係商場茶餐廳，啲豬扒吾錯，價錢定位中上，食材服務略比外出既《大家樂》好。
餐牌選擇比想像中少，午餐set 好左每天一模一樣，《黯然銷魂飯》（叉燒蛋飯）在餐牌描述較多，但我始終未食過。今日我揀左佢哋人氣推介 《咖喱豬扒飯》。
等左十幾分鐘，扒飯熱上，咖喱屬馬來咖喱汁，椰味重帶微辣，易入口。豬扒手掌大，厚過大家樂焗豬，煎得相當香口，午市杯奶茶冲得一般，同奧海二期《羅麥記》既奶茶比較，《羅》既茶膽有股甘味，我較buy 既。
咖喱豬扒飯
75 浏览
0 赞好
0 留言
咁成個package 又係六十幾蚊，你話《羅》既《焗豬》定 《敏》既《咖喱豬》好食啲呢？
份量上，《敏華》無論碟頭size 定係塊豬扒既件頭上都係大啲既。
但係質素上，《羅》既《焗豬》有塗蛋漿焗，飯有炒飯底，亦有蕃茄菠蘿伴飯，我就覺得比咖喱豬 （見上圖） 豐富好味。餐廳舒適度上，枱距而言，《羅》目測亦較闊落舒適。
不過，始終《焗豬》《咖喱豬》並非蘋果與蘋果之比，見兩家餐廳也人氣滿滿，理應各自有忠心粉絲。
總結： 叫左幾次，《敏華》既各類豬扒飯水準相當穩定。下次會試埋招牌《銷魂飯》再評。
张贴
