錦丼 (iSQUARE國際廣場) (已結業)

是日做冬，公司提早放工。由於我和屋企人已提前食左冬至飯，所以今日約個無飯者一齊做冬。兩個人，6點幾，係公司附近的日本餐廳嘆個飯。金箔伊勢海老丼 – 一上枱，賣相奢華，金箔上擺上一隻大蝦，金箔下亦鋪了新鮮的蝦、夾雜著數不到多少粒的魚子，仲有兩大片既海膽，係做冬既日子食到依個飯，感到非常富貴。蝦新鮮及甜美，海膽質感唔錯，但食不到其鮮味，魚子鹹鹹的，咬落去好多汁，需用飯攪拌才食。對我個人而言，其份量屬大份，非常飽肚。金箔於日本、東南亞也非常盛行，雖然金箔沒甚麼味道，但據古籍記載食金可以安神美容、延年益壽，感覺好美顏。 最後，飲完暖暖的味增湯，令身體的體温變回更暖。不得不提，我另外叫左個豆腐雪糕作為此晚餐的結尾，冰凍的雪糕配上豆腐既味道，這個冬至，真滿足。