新金湖海鮮酒家

假日到長洲走一趟， 天氣相當好， 決定到海邊食海鮮晚餐。 見到呢間唔係人太多， 就坐低試下。 呢間有散叫或者套餐 ， 諗住簡單啲 ，所以就揀咗個四餸套餐， 當中有唔少餸菜可以選擇 。我地就叫左椒鹽鮮魷， 蒸扇貝， 咕嚕肉， 同埋八珍豆腐煲。 餸菜都幾大碟， 呢個價錢黎講， 質素唔錯。 椒鹽鮮魷魚炸得香脆 ， 味道亦都唔錯 。 八珍豆腐煲幾好味，材料都很足。 咕嚕肉大大碟 ， 好味道相當抵食 ， 但係扇貝就一般啦。另外，男經理態度友善， 好有禮貌 ，招呼不俗。