潮樓 (已結業)

有朋自遠方來,其中一位朋友選擇潮樓同佢洗塵。景觀好正,坐大檯近窗,可以睇晒維港夜景,加埋幻彩詠香江,真係無得頂!只可惜檯與檯之間幾乎無空間,坐得好迫,呢樣就麻麻!!侍應都好醒目,會主動加茶添水,動作好快!菜式有:潮式拼盆、炸蟹鉗、上湯龍蝦伊麵底、花膠雞燉翅、蜜糖豆帶子、炸子雞、半煎煮黃花魚、四寶蔬菜、花生糊湯丸、水晶包。潮式拼盆:有鹵水鵝掌/翼、紅腸、腩肉、蛋...味道不俗,但最好吃原來係墊底既蓮藕!!炸蟹鉗:香口野一定唔難食,但超熱氣!上湯龍蝦伊麵:呢隻龍蝦都好大隻!!真係好大盤,唔似有時吃套餐咁,係咁比幾件你算數!但個人鐘意芝士龍蝦多d。花膠雞燉翅: 花膠係薄chichi個d,ok啦! 翅都係細細梳,我只有一小梳翅,味道都幾好,可能用兩隻雞仔黎燉既關係;遊客更加buy啦,佢地少飲呢類老火燉湯。d湯渣都好吃架,我不斷係度吃雞腳。蜜糖豆帶子:都有好多帶子,味道都唔腥,幾爽口!應該係用欖菜炒,不過d珍珠菜淋左,脆d更好!!炸子雞: 脆卜卜! 味道偏淡但唔係無味。黃花魚我無吃,不過聽佢地話好味。四寶蔬菜都係一般,清清地,清下味蕾之用。我最鐘意既甜品出場,兩樣都好好味!!湯丸較淋身,每人只得