奏海鮮火鍋 (已結業)

朋友相約去尖沙咀食火鍋， 二話不說立即應成，見到奏海鮮火鍋位於寶勒巷，我地放左工行一陣先上黎開餐。見到個門口 ，得裝潢幾好、環境唔錯，夠大、坐位夠闊落。朋友已經預先訂位不用等，店員好好招待，一坐下就有各款火鍋醬料，隨意加添：辣椒 、醬油、 芝麻醬、 蒜蓉都有。已然好肚餓 ！！再睇餐牌點配料，湯底點了胡椒豬肚花甲鍋，好足料！湯底味道剛好！仲好多菇同菜， 好正！配料我點了特級牛舌同招牌五寶丸，朋友就揀安格斯牛柳粒、四寶餃拼盤、另外加埋窩筍同活魚魚生，正呀~首先：魚生薄薄一塊 肉質好鮮味而且份量多！跟住試安格斯牛柳粒，有入口即溶感覺、質素唔錯 牛舌就彈牙，窩筍就新鮮！招牌五寶丸，就有墨魚丸、 蝦丸、 鯪魚丸 、牛肉丸 、 鹹蛋豬肉丸~ 本身個人就鍾意蝦丸，好大隻蝦！個餃拼盤就有韮菜餃，黑松露帶子餃、鮮蝦雲呑、菜肉蛋白餃。朋友同我一樣都鍾意黑松露帶子餃，因為食到濃濃既黑松露， 好回味 ！雲呑又係大大隻蝦！好味到我地2個女生可以清哂台上食物，滿足既1餐!!!!! 又可以同朋友傾心事，又可以食到有質素既食物~ 原來餐廳做緊9半後6折 大家教岩時間去食會平D