更多
2011-01-24
16 浏览
今日各同事都超忙,咁唯有各自搵食,好耐無黎食燒味喇 ~青紅蘿蔔雞腳湯,新湯水,但依間飯店無輪保咩例湯,佢啲顏色同味道都係一樣架喎,都幾搞笑。今次個湯依舊好味、又無味精。依家天氣凍冰冰,如果湯水溫度高反啲,熱騰騰又出晒煙就更好啦。燒肉切雞髀飯,嘩 ﹗超水準 ﹗化皮燒肉層皮真係脆都隔都聽到,卜卜脆。肉味香,肥瘦層次極平均,有脆有嫰有滑有趙口,正到痺。雞髀肉香味濃、質感滑溜, 又唔會太肥,好味道。白飯今日特別地比平時乾爽,唔會濕淋淋,唔知係咪因為天氣又凍又乾燥呢?
张贴