木子甜品 (已結業)

周末去左轉廣州，一心諗住回程時係廣州車站買鮮芋仙，點知間舖裝修緊 搞到我返到香港都心掛掛想食芋圓。。。係香港有做芋圓既糖水舖唔算好多，而木子一向都係賣飛佛今次買左宇治豆花芋圓，用料好足，咁既價錢有咁既份量算係幾抵。綠茶味同奶味好香濃，又唔係太甜，正! 豆花就一般，唔係特別滑同豆味唔重，但當食第一粒芋圓就出左事。。。個心係硬既-_- 好明顯係未熟透，完全同qq既口感係兩回事。。。相反地瓜圓就煮得剛剛好，好煙靭有咬口希望佢地既品質可以keep得到，唔好多左分店就越做越差