影片
更多
2020-10-21
144 浏览
疫情放寬限聚下，諗住可以同班同事食餐好，點知換黎一肚氣！2020年6月30號係我同班同事第一次去呢間餐廳。當時睇到社交平台既廣告見到放題宮崎牛幾抵，所以諗住去試下。第一次食真係好驚喜，我地order左「竹」套餐，係特上宮崎和牛放題。放題會提供呢個質素既和牛真係意想不到，之後不時都會推介朋友去試試。第二次 - 2020年7月中，我同朋友去食同樣「竹」放題，牛肉質素同第一次一樣咁好，所以冇特別影相。第三次 - 2020年9月19號，疫情放寬限聚下，諗住可以同班同事食餐好，點知換黎一肚氣！我地一行7人21:30到達餐廳，同樣order「竹」放題。食完前菜第一盤牛肉到左，真係嚇親。牛肉質素對比之前真係直線下降（請睇圖），每一塊牛都散收收，尺寸似牛舌尺寸，食落去完全同之前唔同，亦都非常之韌！差過但馬屋個隻和牛！因為肉質實在同之前差太遠，所以問左店員究竟係咩一回事，係唔係比錯左「梅」既優質宮崎牛而唔係「竹」既特上宮崎牛。店員回覆，因為每一批牛都唔同，今次呢批牛肉比較瘦，同樣係宮崎牛，唔使擔心。但作為吃貨既我，點會分唔出，真心睇相都睇得出啦下嘛？！得到咁既回覆，我真係接受唔到，所以再追問：「其實係唔
疫情放寬限聚下，諗住可以同班同事食餐好，點知換黎一肚氣！
2020年6月30號係我同班同事第一次去呢間餐廳。當時睇到社交平台既廣告見到放題宮崎牛幾抵，所以諗住去試下。第一次食真係好驚喜，我地order左「竹」套餐，係特上宮崎和牛放題。放題會提供呢個質素既和牛真係意想不到，之後不時都會推介朋友去試試。
第二次 - 2020年7月中，我同朋友去食同樣「竹」放題，牛肉質素同第一次一樣咁好，所以冇特別影相。
第三次 - 2020年9月19號，疫情放寬限聚下，諗住可以同班同事食餐好，點知換黎一肚氣！我地一行7人21:30到達餐廳，同樣order「竹」放題。食完前菜第一盤牛肉到左，真係嚇親。牛肉質素對比之前真係直線下降（請睇圖），每一塊牛都散收收，尺寸似牛舌尺寸，食落去完全同之前唔同，亦都非常之韌！差過但馬屋個隻和牛！
因為肉質實在同之前差太遠，所以問左店員究竟係咩一回事，係唔係比錯左「梅」既優質宮崎牛而唔係「竹」既特上宮崎牛。店員回覆，因為每一批牛都唔同，今次呢批牛肉比較瘦，同樣係宮崎牛，唔使擔心。但作為吃貨既我，點會分唔出，真心睇相都睇得出啦下嘛？！得到咁既回覆，我真係接受唔到，所以再追問：「其實係唔係換左牛，或者因為疫情下cut cost？你認為咁樣欺騙顧客，真係Ok？」
跟住店員話入去廚房幫我地問問，之後又話搵到隻肉質比較好既可以提供比我地。等左30分鐘，真呀，個餐120分鐘，等左30分鐘呀！中間我地吹左一次，問店員點解咁耐，佢就好串咁話如果唔等可以食返啱啱個隻牛！XYXZXYZX！嬲到我！好啦，30分鐘後，就真係黎返我地第一次食個隻牛肉喇。
黎左第一輪牛肉後，每次黎牛肉既時間係15-20分鐘，雖然店員都延長左我地食用時間，共150分鐘，比本身120分鐘多左30分鐘，但係絕對係佢應該做既！除左上菜速度慢外，係因為！個爐用用下冇gas，店員換支gas既時候整到個鍋郁左，D熱湯（記住係滾既！）一野瀉左落我朋友隻手到！雖然佢冇咩大礙，但我真係好嬲好嬲，唔明今晚點解我地要出黎食飯！真係唔食好過食！
每人加左$88任飲無酒精飲品，埋單$4,666，唔係貴，但點都唔會再去受氣啦！
7 浏览
1 赞好
0 留言
张贴
