翠華餐廳 (香港國際機場)

营业中

休息中

去送機，諗住同屋企人係臨飛前食多餐地道啲嘅香港嘢，滿心歡喜咁嗌左四個奶油豬，賣相都唔錯嘅，但咬落去又唔脆，又凍冰冰，牛油味又唔香，同搽左煉奶牛油嘅方包差唔多。有一個常餐係豬扒飯，諗住會好啲，點知都係凍嘅！嘢飲方面，我哋嗌左兩杯鴛鴦，一杯係走甜嘅，個侍應拎過嚟又唔講邊杯先係走左，問佢，佢就指住杯正常嘅話係走甜嘅，最後要到飲落口先知邊杯走左甜。仲有杯熱檸檬薏米水，飲落去竟然係常溫嘅。不過佢杯翠脆朱古力係唔錯嘅，有啲 cream 同脆嘅朱古力豆係面。未算好好飲，而且個人覺得佢偏甜，係正常水準。整體嚟講，呢個價錢係出面啲茶餐廳可以食到多好多好味過佢嘅嘢，至少啲嘢食唔會係凍冰冰嘅先，所以好失望。