板長壽司 (已結業)

今晚由於老公仔係尖沙咀上堂,而我放工後去接他放學,跟住兩個就行去板長食壽司,時間為大約七點多,竟然唔駛等位,仲有大把位揀添,我地揀咗壽司吧坐.先睇個memu,有秋刀魚大放送,原條刺身$60減到$35,不過原來是無貨的,揾笨!再睇紙仔tick order,發覺三文魚壽司都係$5,三文魚腩壽司都係$8,心諗點解咁平嘅,原來所有都係單件計.三文魚腩壽司-- 算大算肥美,亦夠爽,可惜差點鮮味北寄貝壽司 -- 夠爽,不錯蟹棒壽司 -- ok甜蝦壽司 -- 算大隻,終於有點兒鮮味軟殼蟹手卷 -- 軟殼蟹算大件,亦炸得很脆,可惜紫菜味怪怪的吞拿魚沙律軍艦/蟹肉軍艦/蝦羔軍艦 -- 不錯,但都是嫌塊紫菜不夠脆鵝肝壽司 -- 算是整晚最好食的一件,有些少鵝肝味,夠爽,又夠大件,味道也不會太過濃海膽飯 -- 海膽算是多,但味道普通天使蝦壽司 -- 這個極為失望,無鮮味不特止,仲係咸嘅板前特卷 -- 公道說話,這個真的很特別,木魚在旁邊,面頭有一小撮海膽,卷物內則有帶子及三文魚粒未食前一相情願覺得刺身應該會有鮮味,但今次的惠顧卻完全領略不到,只能說是一餐極為普通的壽司晚餐,不過值得一讚的是這裡的侍應很有禮貌