影片
更多
2012-08-27
69 浏览
今日同男友仔出左銅鑼灣行街, 又黎一個例牌動作.....車仔麵!!!無計啦, 呢頭真係無咩好食, 一係就貴爆, 所以最化算應該都係車仔麵~今次身痕, 無去平時食開果間, 反而求其是但入一間試......結果就入左呢間, 未食過既 "新記美食"同好多車仔麵店一樣, 都係自己圈紙仔!一人一紙, 我地圈左呢 D 野我) 油麵 + 生腸 + 八爪魚 + 魚皮餃 + 辣汁(男友仔) 幼麵 + 魚蛋 + 雞中翼 + 豬腸 + 辣汁等左大約 5 分鐘左右, 有麵食!!!一上枱個樣, 嗯...............唔得, 唔吸引, 賣相真係唔掂~不過好多野都不可以貌相, 好唔好食都要放左入口先知既...湯底顏色好淡, 淺嚐一啖之後, 果然...........真係好淡!! = ="唯有期望佢個辣汁夠出色, 可以另個湯底好味返......撈好個辣汁, 顏色叫做深返少少, 可惜....唔夠香, 又唔夠野味, 就係得個辣字............. v_v湯底失望, 再試埋麵同配料先~麵....還可以, 不過個人黎講, 略嫌太淋, 無左咬口!八爪魚....還可以, 有咬口, 有醃過, 少少入味!生腸...
無計啦, 呢頭真係無咩好食, 一係就貴爆, 所以最化算應該都係車仔麵~
今次身痕, 無去平時食開果間, 反而求其是但入一間試......
結果就入左呢間, 未食過既 "新記美食"
同好多車仔麵店一樣, 都係自己圈紙仔!
一人一紙, 我地圈左呢 D 野:(我) 油麵 + 生腸 + 八爪魚 + 魚皮餃 + 辣汁
(男友仔) 幼麵 + 魚蛋 + 雞中翼 + 豬腸 + 辣汁
等左大約 5 分鐘左右, 有麵食!!!一上枱個樣, 嗯...............唔得, 唔吸引, 賣相真係唔掂~
不過好多野都不可以貌相, 好唔好食都要放左入口先知既...
湯底顏色好淡, 淺嚐一啖之後, 果然...........真係好淡!! = ="
唯有期望佢個辣汁夠出色, 可以另個湯底好味返......
撈好個辣汁, 顏色叫做深返少少, 可惜....唔夠香, 又唔夠野味, 就係得個辣字............. v_v
湯底失望, 再試埋麵同配料先~
麵....還可以, 不過個人黎講, 略嫌太淋, 無左咬口!
八爪魚....還可以, 有咬口, 有醃過, 少少入味!
生腸....算係爽口, 還可以!
魚皮餃....相信係全碗入面最好味既一樣, 因為係現成貨!!
至於男友仔果碗, 佢第一句就係: 啖茂茂...... = ="
魚蛋....唔彈牙, 亦唔係用細細粒既陳皮魚蛋!
雞中翼....色水好深, 不過原來係上面唔入心, 得個色!
豬腸....同雞翼一樣, 又係色好深, 上面唔入心, 得個色!
整體黎講, 呢一餐真係.....好失望!!
雖然未至於話佢難食, 不過..............一定唔會再黎囉~
张贴
