紅樹林餐廳 (已結業)

這間店早大半年前,我每月都去吃两三次,因為羅宋湯不錯,個安格司牛排或者牛柳很不錯,好有牛味,特別係6成熟最正,多汁多肉冧,嗰黑椒醬汁正,有時個蒜蓉醬都几好,但是近日越來越差,早上月已經出埋D古怪餐,雜排炸蝦炸魚併來併去,意粉加嚿白蔔白,不倫不類,薯菜炸到乾爭爭,今晚同女友因就近,再去一次,佢叫羊仔排,我叫西冷排,麵包冷冰冰,羅宋湯酸而冇味,好似用粉沖咁,今次两個餐d肉質死實實,我要求4成熟,但係唔知點解紅就紅色,不過冇肉汁,好似用熱水灼熟過後再煎,嗰黑椒醬又苦又冇黑椒味.女友要求鐡板上,但上枱時又冇用鐡板,要求換,樓面又同我哋拗,話我哋冇講,又話要加錢,又話個餐唔可以改,一肚氣,個羊仔排換咗鐡板後,洋蔥蒜蓉汁冇香味只有蒜粒同咸味,跟飯上居然係凍嘅,女友當然很不滿還找我洩忿,後來留意到枱面廣告紙,已經是X林閣的聯營店,原來店員講已經轉咗成年了,我個人對那些連鎖食店真係好無信心,此店正是一例子.我記得此店年前真是很不錯的.今次很想提供食物相,不過店內燈光很暗,拍不清!