影片
更多
2017-01-09
791 浏览
早前趁天氣稍稍轉涼就諗起去四季食煲仔飯～上一次去已經係N年前，仲係用炭爐煮的年代～諗起好多年無食過，9點幾即興去撞下彩睇下排唔排到。一出地鐵站已經急步行，去到竟然得一對情侶排緊隊？！無去錯地方丫嘛？等左五分鐘已經入座。抬頭睇一睇餐牌，唉，人工唔見加咁多，當年一煲煲仔飯三十蚊一定有找架Ｔ.Ｔ無計啦，好食就得。－－－－－落單十分鐘都唔駛就上左細蠔餅（$35）：好香啊~~~~!!!!!!蠔仔份量都算多!!!但係!一食落口就覺得係翻炸。唉。其實枱枱都必點蠔餅，理論上佢出貨應該都出唔切，點解會中咗翻炸個塊架嗚呀Ｔ.Ｔ 如果唔係翻炸，可想而知......＠＠ 好彩只係叫左細size，撩下啲蠔出黎食就算。－－－－－食完蠔餅無幾耐就上埋戲肉－ 臘腸滑雞飯($53)！上枱唔準郁佢住，焗幾分鐘先影相！影完倒豉油再焗多幾分鐘！嘩～～～臘腸同滑雞係滋味的！而且一煲飯份量好大，夠兩個女仔食。反而豉油就遜色左少少，因為係無味的。煲仔飯既精髓之一係來自面層餸既天然肥油（加豬油風味更佳）加出色既豉油，撈撈撈撈撈到啲汁完美包住每一粒白米飯，先係一絕。然而，個人認為超級市場買到既李錦記煲仔飯豉油比較正。嗱，個飯呢，每食一
上一次去已經係N年前，仲係用炭爐煮的年代～諗起好多年無食過，9點幾即興去撞下彩睇下排唔排到。一出地鐵站已經急步行，去到竟然得一對情侶排緊隊？！無去錯地方丫嘛？
等左五分鐘已經入座。
抬頭睇一睇餐牌，唉，人工唔見加咁多，當年一煲煲仔飯三十蚊一定有找架Ｔ.Ｔ無計啦，好食就得。
－－－－－
落單十分鐘都唔駛就上左細蠔餅（$35）：
好香啊~~~~!!!!!!蠔仔份量都算多!!!
但係!一食落口就覺得係翻炸。唉。其實枱枱都必點蠔餅，理論上佢出貨應該都出唔切，點解會中咗翻炸個塊架嗚呀Ｔ.Ｔ 如果唔係翻炸，可想而知......＠＠ 好彩只係叫左細size，撩下啲蠔出黎食就算。
－－－－－
食完蠔餅無幾耐就上埋戲肉－ 臘腸滑雞飯($53)！
上枱唔準郁佢住，焗幾分鐘先影相！影完倒豉油再焗多幾分鐘！
嘩～～～臘腸同滑雞係滋味的！而且一煲飯份量好大，夠兩個女仔食。
反而豉油就遜色左少少，因為係無味的。煲仔飯既精髓之一係來自面層餸既天然肥油（加豬油風味更佳）加出色既豉油，撈撈撈撈撈到啲汁完美包住每一粒白米飯，先係一絕。然而，個人認為超級市場買到既李錦記煲仔飯豉油比較正。
嗱，個飯呢，每食一層就扣一次分，因為食到最底，係無飯焦架！！！！！
煲仔飯無飯焦！！！！煲仔飯無飯焦！！！！煲仔飯無飯焦！！！！
我冷靜唔到。
唉。唔開心。
希望愈大，失望愈大。
如果旅遊書推介呢兜飯係香港必食，可以掉左本書佢。
除非你想黎香港食地踎味。
－－－－－
後話：離開經過隔離廚房，見到已經轉哂煤氣定石油氣爐煲飯。的確，做多幾轉先係做生意，風味算乜嘢。
张贴
