麻辣風雲 (荃碧大廈) (已結業)

今係二訪，諗住情人節去食啲西餐以外，自己又鐘意食嘅辣野。本身訂左20:30，入座前已經有其他客人唔耐煩，點知最後自己都食到成肚氣。用QR code點左個干鍋，好有耐性咁等左35分鐘，開始忍唔住，催一催左個staff，個staff好有禮貌咁話幫我跟下，到最後個干鍋由我落單到上菜用左整整58分鐘，仲要個干鍋係濕…有別於平時食開乾身嘅干鍋。等野食途中，其他枱嘅客人都分別追過佢地嘅野食。不過估唔到咁差嘅體驗，冇投訴嘅情況下係一句道歉，free個小食/飲品/俾個折 都冇⋯咁嘅體驗令我唔會有三訪，失望。