碗屋 (已結業)

由上年起至今食過4次，雖然圍返一個人六佰幾蚊放題黎計其實唔算平，但都覺得好值，因為頭3次真心覺得好食，係高質放題，所以今日滿心歡喜同朋友去食，點知質素完全keep唔返，只能夠用差來形容。就算88折左都5佰幾一位，但味道鮮味大不如前，午餐肉味同口感嘅牛舌，雪藏味重嘅刺身，明明係烚粟米又話係燒粟米，以前又大塊又厚身嘅鴨肝變左牛柳粒size嘅鴨肝，其他都5想講，只可以話非常之唔值，失望。全晚最好味竟然係燒青椒仔。